Fáeinir mánuðir frá því að ég gladdi mannskapinn og bloggaði.
Blogg í tilefni prófanna? Seeeegi svona. Fátt annað sem kemst að heldur en myspacið, leikjanet og svo mætti ég lengi telja áfram á meðan að próftímanum stendur. Hræðilegt.. Ofan á það þá var ég að fá allar sex and the city seríurnar og það er fátt ljúfara en að taka einn þátt á milli þess sem ég les glósur.. Verðlauna mér fyrir hvern hluta sem ég les. 
Ég fór í mitt fyrsta próf í dag, ekki var það af verri endanum. Saga átti hug minn og hjarta í gærkvöldi/nótt sem og ég vaknaði eldsnemma og las glósurnar fram og tilbaka.. Ég kann mig ekki. Kann ekki að læra fyrir próf.. Er eitthver sérstök regla? Ég bíð alltaf með lesning fram að síðustu stundu, sef of lítið og verð of skrýtin af magic-drykkju.
En ég er búin í prófum 19.maí. Þess má einnig geta að stúlkan verður 19 ára þann 16.maí svo látið þann viðburð ekki framhjá ykkur fara. Mér finnst það samt dulítið ógnvekjandi að vera orðin svona ,,gömul".
Ég er í losti yfir öllum þeim hörmungafréttum sem berast okkur í gegnum fjölmiðlana á degi hverjum.. og ber þá hæst að nefna Fritzl málið. Þvílíkur óbjóður, ef það er orð. HRÆÐILEGT.. Ég trúi ekki að það séu til svona illa gerðar manneskjur... Greyið börnin, dóttirin sem og fjölskyldan öll. Helst vildi ég að kauði yrði brenndur á báli... Geðveila.
En nóg um slæmar fréttir..
Af mér er allt ágætt að frétta. Sumarið alveg að fara að bresta á, formlega er sumarið komið á. En veðrið er ekki að fylgja þeim skilaboðum.. Ég bíð eftir sól og hita, þá er komið sumar.
Ég var kjörin formaður nemendafélagsins við Fjölbraut og mun sumsé vera formaður næsta skólaárs. Mikil tilhlökkun og hefur þetta verið ,,drauma-verkefnið" mitt frá því að ég var ung stelpa.. Dramatískt.
Við skipum fína stjórn, og vonandi eigum við eftir að standa okkur prýðilega...
Enn ég ætla að snúa mér að lærdóm eða svefni.
Við heyrumst heil! Gangi ykkur vel í próflestri!  | 
